СҚО-ның лауазымды тұлғалары жауапқа тартылды

Жоғары аудиторлық палата биыл қазан айында Солтүстік Қазақстан облысына бөлінген бюджет қаражаты мен мемлекет активтерінің қаншалықты тиімді пайдаланылып жатқанын тексерді, деп хабарлайды Arbat.Media.

Петропавл қаласының әкімінің орынбасары және басқа да көптеген шенеуніктер мемлекеттік аудиттен кейін жауапкершілікке тартылды.

Бұл туралы Жоғарғы аудит палатасының (ЖАП) баспасөз қызметі хабарлады.

«Әртүрлі тәртіптік жауапкершілікке тартылғандар қатарында: Айыртау ауданының әкімі; Петропавл қаласының әкімінің орынбасары; Сергеевка қаласының әкімінің орынбасары; облыстық әкімдіктің құрылыс, сәулет және қала құрылысы басқармасының орынбасары; облыстық әкімдіктің денсаулық сақтау басқармасының орынбасары; облыстық әкімдіктің жолаушылар көлігі және автомобиль жолдары басқармасының орынбасары; Петропавл қалалық әкімдіктің құрылыс, сәулет және қала құрылысы бөлімінің сектор меңгерушісі; Тайынша ауданы әкімдігінің сәулет, құрылыс, ТКШ, жолаушылар көлігі және автомобиль жолдары бөлімі басшысы; Айыртау және Уалиханов аудандары әкімдіктеріндегі сәулет, құрылыс, ТКШ, жолаушылар көлігі және автомобиль жолдары секторлары меңгерушілері; Ақжар ауданы әкімдігінің ТКШ, жолаушылар көлігі, автомобиль жолдары және тұрғын үй инспекциясы бөлімінің міндетін атқарушысы бар», - делінген хабарламада.