Су тасқыны: Батыс Қазақстан облысында төтенше жағдай жарияланды

Су тасқынына байланысты Батыс Қазақстан облысында төтенше жағдай жарияланды. Ашық НҚА порталында БҚО әкімі Нариман Төреғалиевтің Батыс Қазақстан облысының аумағында табиғи сипаттағы төтенше жағдай жариялау туралы шешімі шықты, - деп хабарлайды Arbat.media.

Аталған шешімге сәйкес облыс әкімінің орынбасары Қалияр Айтмұхамбетов табиғи сипаттағы төтенше жағдайды жою басшысы болып тағайындалып, оған табиғи сипаттағы төтенше жағдайды жоюға бағытталған іс-шараларды жүргізу тапсырылды.

Шешімнің орындалу барысын өңір басшысы бақылайды.

Бұдан бұрын БҚО-да Орал қаласы мен Бөрлі, Теректі, Қаратөбе және Сырым аудандарында төтенше жағдай жарияланған еді.