Шымкентте мектеп оқушысы өлген әйелдің мәйітін зорлаған

Шымкентте 26 жастағы Диана Оңғарбаеваны аяусыз өлтірген 11-сынып оқушысының соты басталды, деп хабарлайды Arbat.Media.

Диана Оңғарбаеваның зорлық-зомбылық белгілері бар денесі тамыз айында қоқыстың жанынан табылды. Ал жұмыс істеп, күнін көрген қызды мектеп оқушысы жыныстық қалауы үшін жантүршігерлік жағдайда өлтірді.

Толығырақ айтар болсақ, жазда жасөспірім қалаға қосымша ақша табу үшін келген. Ол үйді жөндеу жұмыстарымен айналысады. Жасөспірім бір күнітүйде жалғыз қалып жыныстық қатынасқа түсетін «құрбан» іздейді.

Telegram-арналардың біріне пәтер тазалаумен айналысатын әйел керегін жазып, хабарландыру қалдырады. Ал күнкөріс үшін түрлі жұмыс істейтін Диана хабарландыруды көріп, көрсетілген мекен-жайға барады.

Диана жұмысты аяқтап, уәде етілген 15 мың теңгені сұрағанда, жас жігіт қаражатты анасы беретінін айтады. Кейін мектеп оқушысы теріс қарап тұрған қызға пышақ ала жүгіреді. Ол қызды 26 рет пышақтайды. Кейін марқұмның денесіне қол жүгіртіп, оны қорлайды. Жігіт қалауын орындағаннан кейін денені қара полиэтиленге салып, құрылыс арбасымен қоқыс жәшігіне әкеп тастайды.

Прокурор Нұржігіт Ерментай айыптау актісін жариялады. Кәмелетке толмаған жігіт марқұмның денесін қасақана қорлап, телефонын ұрлап, содан кейін қылмысты жасыруға тырысқан.

Диананың денесін қоқыс жинайтын жұмысшылар тапқан. Марқұмның анасы қызын он күн бойы іздегенін айтты.

«Біз оны барлық жерден іздедік. Полицияға бірнеше рет жүгінген едік. Нәтиже болмады. Мен 28-ші, 29-шы тамызда Астанаға өтініш жаздым. Осыдан кейін ғана олар телефонды, содан кейін денені тапты. Егер олар іздесе, қызымның денесі ертерек табылар еді», - деп жылады Қарлығаш Оңғарбаева.

Сот жалғасуда. Марқұмның туыстары мектеп оқушысының өмір бойына бас бостандығынан айырылғанын қалайды.