Теміртауда зейнеткерді соққыға жыққан жасөспірімдерді қатарластары ұрып кетті

Теміртауда зейнеткерді ұрған жасөспірімдерді басқа кәмелетке толмаған жастар ұрып тастады, деп хабарлайды Arbat.media.

Теміртауда жасөспірімдердің резонанстық іс-әрекетінен кейін жаңа мәліметтер пайда болды. Еске салайық, бір топ жасөспірім зейнеткерді аяусыз соққыға жығып, видеоға түсірген еді.

Қылмыс жасалғаннан кейін, көп ұзамай екі күдіктіні басқа жасөспірімдер ұрып кеткен. Осы факті бойынша “Денсаулыққа қасақана зиян келтіру” бабы бойынша қылмыстық іс қозғалды.

«Барлық кәмелетке толмағандар ұсталды. Олар полицияға жеткізілді, сондай-ақ профилактикалық есепке алынды. Олардың заңды өкілдері жауапқа тартылады", - деп хабарлады облыстық полиция департаменті.