Тоқаев Қазақстанның жаңа елшілерін тағайындады

Тоқаев Қазақстанның жаңа елшілерін тағайындады. Бұл туралы Ақорда мәлімдеді, деп хабарлайды Arbat.Media.

- Қайрат Әбдірахманов Чехиядағы Қазақстанның елшісі болып тағайындалды. Ол Нидерландыдағы елші және Химиялық қаруға тыйым салу ұйымы (ХҚТҰ) жанындағы тұрақты өкіл қызметінен босатылды.

- Ақан Рахметуллин Нидерландыдағы елші және (ХҚТҰ) жанындағы тұрақты өкіл болып тағайындалды.

- Роман Василенко қазіргі таңда Бельгия, ЕО және НАТО жанындағы елші қызметін атқарып отыр. Енді ол Люксембургтегі елші қызметін де қоса атқаратын болады.

- Бұдан бөлек, Бақыт Дүйсенбаев Чехиядағы елші қызметінен босатылды.