Тоқаев Ресеймен ортақ құжаттарды талқылады

Тоқаев Қазақстан мен Ресей басшылары қол қоюды жоспарлап отырған басым құжаттарды атады, деп хабарлайды Arbat.Media.

«Біріншісі — елдеріміз арасындағы стратегиялық одақтастық пен өзара қарым-қатынастың жеті негізі туралы бірлескен мәлімдеме. «Жеті» сөзінің өзі — біз үшін өте қасиетті сан. Мен бұл құжатпен жеке өзім жұмыс істедім, түзетулер енгіздім. Бұл құжат елдеріміз арасындағы ынтымақтастық тарихында өз орнын алып, айрықша маңызға ие болады деп есептеймін», — деп атап өтті президент.

Тоқаев екінші маңызды мәселе ретінде Қазақстанда АЭС салуға қатысты келісімдерге қол қоюды атады. Сондай-ақ ол жобаны қолдағаны үшін Путинге алғыс білдірді.