Тоқаев Шавкат Рахмоновқа көңіл айтты

Президент Қасым-Жомарт Тоқаев танымал қазақстандық MMA спортшысы Шавкат Рахмоновтың әкесі Бақтыбай Рахмонұлы Алпамысовтың қайтыс болуына байланысты көңіл айту жеделхатын жолдады, деп хабарлайды Arbat.Media.

Мемлекет басшысы жеделхатында марқұмның елге сыйлы, өнегелі азамат болғанын атап өтті.

«Бақтыбай Рахмонұлы мағыналы ғұмыр кешкен қадірлі жан болды. Нағыз отаншыл азамат ретінде ел мерейін үстем еткен, бүкіл қазақ жұртының мақтанышына айналған өзіңіздей жігерлі ұрпақ тәрбиелеп өсірді. Әкеңіздің иманы саламат, жаны жәннатта болсын!» – делінген жеделхатта.

Президент спортшыға және оның отбасы мен жақындарына қайғырып көңіл айтты.