Тоқаев таеквондо тақтайын жұдырығымен сындырып, қара белбеуге ие болды

Тоқаев таеквондо тақтайын жұдырығымен сындырып, қара белбеуге ие болды, деп хабарлайды Arbat.Media.

Бүгін мемлекет басшысы бүкіләлемдік таеквондо федерациясының (WT) президенті Чунгвон Чоуды қабылдады.

Президент Чунгвон Чоудың сапары Қазақстанның спорт қауымдастығы үшін маңызды оқиға саналатынын атап өтті. Сондай-ақ бұл Бүкіләлемдік таеквондо федерациясының елімізде аталған спорт түрінің дамуына жан-жақты қолдау көрсетуге дайын екенін білдірді.

Бүкіләлемдік таеквондо федерациясының президенті Мемлекет басшысына ерекше құрметтің белгісі ретінде тоғызыншы дан қара белбеуін табыс етті. Президент жаттығу тақтайшасына қолтаңба қалдырып, Чунгвон Чоудың өтінішімен таеквондо дәстүріне сай тақтайды сындырды.