Түркістан облысында тұтқындар бүлік шығарды

Түркістан облысында тұтқындар бүлік шығарды. Қамау режимімен келіспеген тұтқындар әрекеті салдарынан Ұлттық ұланның екі әскери қызметшісі мен ҚАЖД бір қызметкері дене жарақат алды. Оларға медициналық көмек көрсетілді, - деп хабарлайды Arbat.media.

Қылмыстық атқару жүйесі комитетінің мәліметінше, қазіргі уақытта жағдай тұрақталған. Аталған факті бойынша ҚР ҚК 428-бабының 3-бөлігі бойынша қылмыстық іс қозғалды, - деп жазады Kazinform агенттігі.

«Түркістан облысының мекемесінде сотталғандардың бір бөлігі ұстау режимімен келіспеуіне байланысты бағынбаушылығын білдірді. Мекемеде ҚАЖК төрағасы, ҚАЖД және Ұлттық ұланның басшылығы, жеке құрамы, сондай-ақ қадағалау органдары жұмыс істеп жатыр», -делінген ведомства ақпаратында.