Түркістанда ер адам әйелін пышақтап өлтірді

Түркістанда отбасылық жанжалдан кейін ер адам 54 жастағы әйелін пышақтап өлтірді,деп хабарлайды Arbat.Media.

Криминальный Казахстан дерегінше, ауыр жарақат алған әйелді оның кіші ұлы бірінші болып байқаған. Анасының дауысын естіген жігіт бөлмеден шығып, оны қанға боялған күйде көрген. Ол бірден жедел жәрдем шақырған. Алайда дәрігерлер әйелдің өмірін сақтап қала алмады. Ол жансақтау бөлімінде көз жұмған.

Марқұмның күйеуімен бірге шамамен 25 жыл тұрғаны және ерлі-зайыптылардың төрт бала тәрбиелегені белгілі. Қайғылы жағдайға нақты не себеп болғаны әзірге белгісіз.

Жергілікті тұрғындардың сөзінше, оқиғадан кейін әйелдің күйеуі де өзіне жарақат салып, өз-өзіне қол жұмсамақ болған.