Ұлттық банк төрағасы орынбасарының жұмыстан кетуіне қатысты пікір білдірді

Ұлттық банк төрағасы орынбасарының жұмыстан кетуіне қатысты пікір білдірді, деп хабарлайды Arbat.Media.

Ұлттық банк төрағасы Тимур Сүлейменов өзінің орынбасары Берік Шолпанқұловтың қызметтен кетуіне қатысты БАҚ өкілдерінің сауалына жауап берді. Журналистер бұл отставканың Шолпанқұловтың көрші елден Қазақстан арқылы шетелге «айдалған» 7 триллион теңге туралы даулы пікірімен байланысы бар ма деп сұрады.

Ұлттық банк басшысының айтуынша, орынбасары ешқандай қысымсыз, өз қалауымен кеткен.

«Берік Шолпанқұлов өз еркімен арыз берді, яғни берілген өтінішке сәйкес жұмыстан кетті. Бұған қосарым жоқ», — деді Тимур Сүлейменов брифинг барысында.