Ұлттық ұлан сарбазы жаттығу кезінде жарақат алды

Алматы облысында Ұлттық ұланның мерзімді қызметтегі сарбазы жоспарлы жауынгерлік жаттығу кезінде жарақат алды, деп хабарлайды Arbat.Media.

Оқиға 13 қаңтар күні сағат 15:05 шамасында Ұлттық ұланның 5571 әскери бөлімінің жаттығу полигонында болған. «Оңтүстік» өңірлік қолбасшылығының хабарлауынша, қауіпсіздік талаптарын сақтамау салдарынан сарбаз АК-74 автоматынан абайсызда өзіне оқ атқан.

Жарақат алған әскери қызметшіге оқиға орнында алғашқы медициналық көмек көрсетіліп, кейін Қонаев қалалық ауруханасына жеткізілген.

Қазіргі уақытта аталған дерек бойынша қызметтік тексеру жүргізіліп жатыр.