Ұлытауда мектеп директоры ақыл-ой кемістігі бар туысын жұмысқа алған

Ұлытауда мектеп директоры ақыл-ой кемістігі бар туысын оқушыларды тасымалдау үшін жүргізуші етіп жұмысқа алған, деп хабарлайды Arbat.Media.

Прокуратураның мәліметінше, жүргізуші психоневрологиялық ауру бойынша диспансерлік есепте тұрған.

Ол бала кезінен есту қабілеті бойынша екінші топтағы мүгедек болған.

Бұған қоса, жүргізуші куәлігінен айырылып, көлік жүргізу құқығы болмаған.

Соған қарамастан, мектептердің бірінде жүргізуші ретінде оқушыларды тасымалдаған.

Осылайша 129 жасөспірімнің өмірі мен денсаулығына нақты қауіп төндірген.