Жамбыл облысында жер сілкінді

Жамбыл облысында жер сілкінісі селізді, деп хабарлайды Arbat.Media.

Өткен түнде Жамбыл облысында магнитудасы 4,5 болатын жер сілкінісі тіркелді. Жерасты дүмпуі Тараз қаласынан оңтүстік-батысқа қарай 65 шақырым жерде болған.

Қазақстан ұлттық деректер орталығы 10 шілдеде Астана уақытымен 00:59-да тіркелген жер сілкінісінің ошағы жердің 15 шақырым терең қабатында орналасқан деп хабарлады.

Зардап шеккендер мен мүліктер қирап-бүлінгені туралы ақпарат түспеген.