Жамбыл облысындағы әскери бөлімде қарауыл бастығы оққа ұшты

Кеше, 15 наурызда Жамбыл облысындағы әскери бөлімдердің бірінде қарауылдың үшінші постында тұрған күзетші қарудан абайсызда оқ атып, қарауыл бастығын өлтіріп алды, деп хабарлайды Arbat.Media.

Екеуі де сарбаз емес, азаматтық қызметтегі әскери-тергеу департаментінің қызметкерлері болған. Жараланған әскери қызметкер ауыр жағдайда госпитальге жеткізілгенімен, дәрігерлер оның өмірін сақтап қала алмады.

Ішкі істер министрлігінің әскери-тергеу департаменті аталған факті бойынша сотқа дейінгі тергеу басталғанын мәлімдеді.

Оқиғаның барлық мән-жайы қажетті тергеу әрекеттері мен процессуалдық шаралардың нәтижесінде анықталады.