Жаңаөзенде екі ер адам 26 жастағы қызды бопсалады деген күдікке ілінді

Полицияның мәліметінше, күдіктілер жәбірленушіден интимдік фотоларын жариялаймыз деп қорқытып, 1 млн теңге талап еткен, деп хабарлайды Arbat.Media.

Хат алмасу WhatsApp мессенджері арқылы жүргізілген. Алдымен 200 мың теңге аударуды, қалған 800 мыңын 20 қаңтарға дейін беруді талап еткен.

Күдіктілер 17 қаңтар күні ұсталды. Тінту барысында iPhone 14 Pro Max және iPhone 11 маркалы ұялы телефондар тәркіленіп, қылмыстық іске тіркелді. Қазіргі таңда екі азамат та уақытша ұстау изоляторында отыр. Тергеу «Бопсалау» бабы бойынша жүргізіліп жатыр.