Жанармай нарығына бақылау күшейеді

Елімізден жанармайдың заңсыз шығарылуына жол бермеу үшін бақылау шаралары күшейеді, деп хабарлайды Arbat.Media.

Премьер-министрдің бірінші орынбасары Роман Склярдың төрағалығымен өткен кеңесте жанар-жағармай нарығындағы заңсыздықпен күрес мәселесі талқыланды.

Көрші елдердегі баға айырмашылығына байланысты отынды елден әкету қаупі жоғары болғандықтан, мемлекеттік органдар мұнай өңдеу зауыттарынан жанармай бекеттеріне дейінгі барлық кезеңді толық бақылауға алмақ.