Жол апатынан тоғыз жасар бала қаза тауып, үш адам жарақат алды

Жол-көлік оқиғасы 21 шілде күні шамамен сағат 16:55-те Щучинск — Степняк автожолының 16-шақырымында болған, деп хабарлайды Arbat.Media.

«Алдын ала мәлімет бойынша, Chevrolet көлігінің жүргізушісі қосалқы жолмен келе жатып, басты жолға шығар кезде маневрдің қауіпсіздігіне көз жеткізбей, Степняк қаласы бағытына қарай қозғалып келе жатқан Nissan көлігімен соқтығысқан. Апат салдарынан Nissan автокөлігінің тоғыз жасар жолаушысы оқиға орнында қаза тапты», деп мәлімдеді Ақмола облысы ПД баспасөз қызметі.

Тағы үш адам түрлі дәрежеде жарақат алған. Дәрігерлер тексергеннен кейін екі жолаушы үйіне жіберілді. Аталған жол апаты бойынша сотқа дейінгі тергеу басталды. Күдікті ұсталып, уақытша ұстау изоляторына қамалды.