ЖОО-да оқу ұзақтығы қысқаруы мүмкін

Бұл туралы Ғылым және жоғары білім министрі Саясат Нұрбек айтты, деп хабарлайды Arbat.Media.

Жоба алдымен колледждерде пилоттық режимде іске қосылмақ. Министрдің сөзінше, кейбір мамандықтар үшін 4 жыл оқу ұзақ. 

Әсіресе, ІТ және жасанды интеллект секілді бағыттарда білім беру мазмұны жылдам өзгеріп отырады. Сондықтан студентке қажетті кәсіби дағдыларды қысқа мерзімде меңгерту көзделіп отыр.

Жоба қазір Үкіметке ұсынылған. Оған қажетті нормативтік база дайын. Пилоттық жоба тестілеуден өткен.