Жұбаныш Жексенұлы ұлының үйленуіне 5-6 жыл қарсы болғанын айтты

Танымал әнші, Қазақстанның еңбек сіңірген қайраткері Жұбаныш Жексенұлы алғаш рет келіні туралы ашық айтып, отбасы өміріндегі тосын жаңалықты бөлісті. Бұл туралы ол YouTube-арнасындағы «Сыр» жобасында қонақта болған кезде айтты, деп хабарлайды Arbat.Media Azattyq Rýhy сайтына сілтеп.

Өнер иесі сұхбат барысында ұлдарының шетелде жүріп, басқа ұлттың қызымен көңіл жарастырғанын айтты. Әншінің айтуынша, бұл шешімге басында қарсылық білдіргенімен, уақыт өте бәрін қабылдаған.

«Менің келінім – итальян қызы. Бастапқыда 5–6 жылдай қарсы болдық. Бірақ тағдыр мен махаббатқа қарсы тұру мүмкін емес екен. Үлкен ұлым шетелде оқып жүргенде танысыпты. Кейін үйленді. Қазір, Құдайға шүкір, бәрі жақсы», – деді Жұбаныш Жексенұлы.