Әлішер Ерғали — әлемдегі 10 үздік балуандар қатарында

Венгрияда өткен рейтингілік турнирден кейін 97 келі салмақта күресетін отандасымыз Әлішер Ерғали үздік ондыққа кірді, - деп хабарлайды Arbat.media.

Бұл туралы Egemen.kz Ұлттық олимпиадалық комитетке сілтеме жасап жариялады. 

Рейтингілік турнирден соң Біріккен күрес әлемі (UWW) балуандар рейтингін жаңартты.

Бұл тізімде қазақ спортшысы 8-ші орынға тұрақтады. Осы салмаққа жақында ауысқан Ризабек Айтмұқан 18 орыннан көрінді.

Сондай-ақ Мейрамбек Қартбай (57 келі) төртінші, Болат Сақаев (79 келі) алтыншы сатыда тұр.

Ал Азамат Дәулетбеков 86 келіде бірнеше айдан бері тізімде көш бастап, үздік нәтижесін сақтап отыр.