IX қысқы Азия ойындарының факелі мен медальдары таныстырылды
2025 жылы Харбин қаласында өтетін IX қысқы Азия ойындарының факелі және медальдары, сондай-ақ әнұраны ресми түрде белгілі болды, - деп хабарлайды Arbat.media.
Синьхуа агенттігінің хабарлауынша, қысқы Азия ойындары алауының факелі тақырыбы – «Серпін», бұл қысқы Азия ойындары өміршеңдік пен құштарлыққа толы деген мағынаны білдіреді. Алаудың жалпы ұзындығы шамамен 735 мм, үстіңгі диаметрі шамамен 115 мм, - деп жазады Kazinform агенттігі.
Алаудың пішіні гүлдеген сирень гүлі сияқты, қытай қызыл, күлгін, мұзды ақ және т.б. түстерді пайдаланып, Хэйлунцзян және қабылдаушы қала Харбиннің қар-мұз мәдени ерекшеліктерін сипаттайды.
Қысқы Азия ойындарының медаль тақырыбы – «Жарыс рухы». Медальдың алдыңғы жағында жарыс жолының иілген пішіні және IX қысқы Азия ойындарының эмблемасы бейнеленген.
Медальдың артқы жағында Ябули қар шаңғы аймағының таулары мен ормандары Үлкен және Кіші Хинган тауларының жер бедерімен біріктіріліп, Харбин «Күн аралы» саяхат аймағының «Күн қақпасы» кескіні бейнеленген.
IX қысқы Азия ойындарының әнұраны «Харбин қары» деп аталады. Әннің сөзі мен музыкасы «мұз бен қардың арманы бір, ал Азияның жүрегі бір» тақырыбымен тығыз байланысты, Азия елдері мен аймақтары халқының бірлік пен сүйіспеншілікке, бейбіт дамуға және адамзаттың ортақ болашағын бірлесіп құруға деген көзқарасын білдіреді.
IX қысқы Азия ойындары 2025 жылдың 7-14 ақпаны аралығында Қытай Халық Республикасы Хэйлунцзян провинциясының Харбин қаласында өтеді.
Спортшылар 12 спорт түрі бойынша 64 медаль жиынтығын сарапқа салады.