Олимпиада чемпионы Елдос Сметовке ота жасалды

Елдос Сметов Тараз қаласындағы ауруханалардың бірінде операция жасатты, деп хабарлайды Arbat.Media.

Қазір спортшы дәрігерлердің бақылауында. Биыл Сметов халықаралық жарыстарға қатысуға дайындалып жүрген.

Алайда дәрігерлер операциядан кейін толық оңалту кезеңінен өту қажет екенін айтқан. Сондықтан спортшының жаттығу мен жарыстарға қашан оралатыны әзірге белгісіз.

Спортшының балалары да ауруханада жатқаны белгілі болды. Дәрігерлер оларға қызылша диагнозын қойған.