Қазақстан хоккей құрамасы Оңтүстік Кореядан жеңіліп қалды
Алматы қаласында өтіп жатқан шайбалы хоккейден Азия чемпионатының алғашқы ойын күні аяқталды. Құрлық додасы алғаш рет Халықаралық шайбалы хоккей федерациясының (IIHF) қолдауымен өткізіліп отыр. Қазақстандық хоккейшілер бірінші турда Оңтүстік Корея құрамасымен кездесті. Кореялық хоккейшілер 20-минутта есеп ашса, оған 23-минутта Борисевич таразы басын теңестірді, - деп хабарлайды Arbat.media.
Ал 24-минутта қайтадан кореялық құрама қайтадан алға шықса, үшінші кеезңде олар тағы екі шайба соғып кетті, - деп жазады Kazinform агенттігі.
Осылайша Қазақстан құрамасы қарсыласына 1:4 есебімен есе жіберді.
Сондай-ақ аталған турда Жапония құрамасы Қытайды 4:1 есебімен тізе бүктірді.
Енді ел құрамасы 8 қарашада Қытай құрамасымен шеберлік байқасады. Одан кейін 9 қарашада Жапониямен ойнайды.
Азия чемпионаты 2025 жылы 7-14 ақпан аралығында Қытайдың Харбин қаласында өтетін Азия ойындарына дайындық жарыстары ретінде ұйымдастырылып отыр.