Жәнібек Әлімханұлының рингке шығатын күні белгілі болды

Кәсіпқой боксшы, WBO/IBF нұсқасы бойынша орта салмақтағы әлем чемпионы Жәнібек Әлімханұлы мен жаңазеландиялық Андрей Михайлович арасындағы жекпе-жектің өтетін орны мен күні белгіленді. No Limit Boxing промоутерлік компаниясы чемпиондық жекпе-жек туралы ресми жариялады, - деп хабарлайды Arbat.media.

Отандасымыз (15-0, 10 КО) 4 қазан күні жаңазеландиялық Андрей Михайловичпен (21-0, 13 КО) Сиднейде күш сынасады, деп жазады Egemen.kz.

Айта кетейік, Жәнібек Әлімханұлы мен Андрей Михайлович шілде айында жұдырықтасуы тиіс еді. Алайда Жәнібек Әлімханұлы салмақ қуу кезінде өзін нашар сезініп, ауруханаға түскен болатын.