Атырау облысында пышақталған 4 адамның біреуі ауруханада көз жұмды

Атырау облысында 4 адам пышақ жарақатымен ауруханаға жеткізілген. Алайда, оның біреуі ауруханада көз жұмды. Атырау облыстық полиция департаментінің баспасөз қызметінен мәлім еткендей, оқиға бүгін, 15 суірде болған, - деп хабарлайды Arbat.media.

Бұл туралы Kazinform агенттігі жазады. 

«Мақат аудандық полиция бөлімінің 102 арнасына 2 адамның жанжалдасып тұрғаны туралы хабар түсті. Аудандық ауруханаға 1987 жылғы 4 адам түрлі дене жарақатымен жеткізілді. Төртеуі де – аталған ауданның тұрғындары. Зардап шеккен адамның біреуі дене жарақатының салдарынан ауруханада қайтыс болды» деп хабарлады департаменттің баспасөз қызметі.

Қазір аталған оқиғаға қатысы бар деген күдікпен 2003 жылғы жігіт анықталған.

Күдіктіге қатысты Қылмыстық кодекстің 106-бабының 3-бөлігімен қылмыстық іс тіркеліп отыр.

Сотқа дейінгі тергеп-тексеру басталды.