Балалар кәріз құдығына түсіп өліп жатыр: Зәкиева әкімдерді жазалауға шақырды

Балалар кәріз құдығына түсіп өліп жатыр: омбудсмен Зәкиева ашық жатқан кәріз құдықтары үшін әкімдерді жазалауға шақырды, - деп хабарлайды Arbat.media.

Балалар омбудсмені Динара Зәкиева Түркістан облысында із-түссіз жоғалған баланың септиктен өлі күйінде табылды деген хабардан кейін бұл үшін шенеуніктерді жазалауды сұрады.

«Екі аптаның ішінде Қызылорда және Түркістан облыстарында екі рет балалардың кәріз құдықтарына құлау оқиғасы тіркелді.Екі жағдайда да кәріз құдықтары әкімдіктерге тиесілі.Тексеру жүргізіп, инфрақұрылымның қауіпсіздігін қамтамасыз етпеген және балалардың өліміне әкеп соқтырған немқұрайлыққа жол берген жауапты қызметкерлерді жауапқа тарту қажет деп санаймын. .Сондай-ақ осы салаға жауапты жергілікті атқарушы органдардың басшыларын, осы аудан әкімдерін жауапкершілікке тарту қажет деп санаймын», - деп жазды Зәкиева Instagram желісінде.

Ол сондай-ақ ашық жатқан люктер мәселесі үкімет деңгейінде де көтеріліп, аймақтардағы еріктілер рейдтерге шыққанын еске салды.

Алайда, көріп отырғаныңыздай, бұл жағдайды өзгертпеді.