Бишімбаев ісі: Салтанат қайтыс болған бөлмеден саусақ іздері табылған жоқ
Салтанат Нүкенова қайтыс болған бөлмеден саусақ іздері табылған жоқ.. Астананың қылмыстық істер жөніндегі мамандандырылған ауданаралық сотында Қуандық Бишімбаев пен Бақытжан Байжановқа қатысты сот процесі жалғасуда. Бүгін тараптар қылмыстық іс материалдарын зерделеуді жалғастырды, - деп хабарлайды Arbat.media.
Бишімбаевтың адвокаты Назкен Құсайынова «Бау» мейрамханасындағы бөлмелердің сипаттамасын оқып берді.
Осы сәтте зардап шеккен тараптың өкілі Игорь Вранчев Салтанат Нүкенова мерт болған VIP-1 бөлмесінде бірде-бір саусақ ізінің табылмағанына назар аударды.
Осыған байланысты Вранчев Бишімбаевтан мұны қалай түсіндіре алатынын сұрады.
Алайда Бишімбаев жауап бере алмады.
Содан кейін Вранцев Бишімбаевтың VIP-1-де Нүкенованың саусақ іздерін немесе қолының іздерін кетіру үшін аммиак немесе басқа құралдарды әкелді ме деп сұрады.
«Жоқ. Мен аммиакты қалай қолдану керектігін білмедім. Маған оны қалай қолдануды Байжанов көрсетті», - деді Бишімбаев.