Елімізде Ұлттық киім күні пайда болуы мүмкін

Парламент депутаты Дәулет Мұқаев Қазақстанда ұлттық киімдерге арналған жаңа мереке құруды ұсынды. Ол дәстүрлі киімдер ел тұрғындарының мәдени құндылықтарын тамаша жеткізеді деп санайды, - деп хабарлайды Arbat.media.

Бұл туралы Alau.kz хабарлайды.

Мұқаевтың айтуынша, мұндай мерекенің пайда болуы Қазақстанның бірегей мәдениетін дәріптеп, таратып, өскелең ұрпақты Отанға деген сүйіспеншілік рухында тәрбиелеуге ықпал етеді. Ол сондай-ақ депутат әріптестерін парламент ғимаратында ұлттық киім элементтерін жиі киюге шақырды.

«Ұлттық киімдерімізді дәріптеу үшін Үкіметке Ұлттық киім күнін республикалық деңгейде бекітуді ұсынамын», - дейді ол.

Дәулет Мұқаев бұл бастаманы өзге депутаттар қолдаса, көптің көңілінен шығатынын қадап айтты.

Болашақта ұлттық киім кию тек Наурыз мерекесі мен дәстүрлі шаралармен шектеліп қалмай, сән үрдісіне айналуы керек деп есептейді.