Мемлекеттік кірістер комитеті жалған хабарламалар жөнінде ескертті

Алматы қаласы бойынша Мемлекеттік кірістер комитеті әлеуметтік желіде салықтарды төлеу туралы тараған жалған хабарламаға сенбеуге шақырды. Адамдардың электронды пошталарына салық, айыппұл төлеу туралы жалған талаптар таратылған. Департамент салыққа байланысты хабарламалар электронды поштаға жіберілмейтінін хабарлап, жалған ақпаратқа сенбеуге шақырды, - деп хабарлайды Arbat.media.

Бұл туралы Kazinform агенттігі жазады.

«Алматы қаласы бойынша Мемлекеттік кірістер департаментіне салықтарды, алымдарды, өсімпұлдар мен айыппұлдарды төлеу туралы жалған талаптардың таратылып жатқанына салық төлеушілер шағымданды. Бұл хабарламалар салық төлеушілердің электрондық мекенжайларына жіберілген. Департамент салықтық хабарламалар салық төлеушілерге жеке қол қою арқылы берілетінін немесе салық төлеушінің кабинетіне электронды түрде жеткізілетінін хабарлайды. Мұндай хабарландыруларды электрондық пошта арқылы жіберу қарастырылмаған. Тиісінше, Департаменттің салық төлеушілердің электронды мекенжайларына жіберілген мұндай хабарламаларға еш қатысы жоқ», – деп мәлімдейді Мемлекеттік кірістер департаментінен.

Тұрғындар салық міндеттемелерінің бар-жоғы туралы ақпаратты салық төлеушінің сайтындағы жеке кабинетінен қарай алады.