Мереке күндері қосымша пойыздар мен 398 қосымша вагон жолға шығады

Наурыз мерекесі және мейрам алдындағы күндері «Жолаушылар тасымалы» АҚ жолаушылар санының ұлғаюына байланысты қосымша пойыздар мен вагондарды қосады, - деп хабарлайды Arbat.media.

Бұл туралы ұлттық тасымалдаушы компанияның баспасөз қызметі мәлім етті.

Қосымша үш пойыз келесі бағыттар бойынша екі бағытта жүреді:

«Астана-Алматы-1» бағыты бойынша № 201/202 пойызы, 4 рейс;«Астана-Шымкент» бағыты бойынша № 203/204 пойызы, 3 рейс;«Ақтөбе-Шымкент» бағыты бойынша № 205/206 пойызы, 2 рейс.

Мереке күндері 7 наурыздан бастап жолаушылар пойыздарына, әсіресе, тасымалдауға сұранысы жоғары бағыттарға 398 қосымша вагон қосылады.

Пойыз қозғалысының кестесі бойынша толық ақпаратты «1433» тегін нөмірі бойынша, «KTZH_PP_BOT» телеграм-боты арқылы алуға болады, сондай-ақ @jolaushylar_tasymaly ұлттық тасымалдаушысының парақшасынан танысуға болады.