Ол сондай-ақ коммерциялық павильонның стенді «Азық-түлік және ауыл шаруашылығы өнеркәсібі» секторында орналасқанын, онда 30 қазақстандық өндіруші өз өнімдерін шығарғанын айтты. Бұл макарон және кондитерлік өнімдер, өсімдік майлары, бал, сүт өнімдері, соның ішінде құрғақ түйе мен бие сүті және т.б. бар.
«Қазақстандық өнімдер Қытайдағы көрмеде шикізаттық емес сектордың отандық өндірушілерін сыртқы нарықтарға шығару жөніндегі мемлекеттік бағдарламаны іске асыру шеңберінде ұсынылды», - деп атап өтті Мира Жаңабергенова.
Qaztrade АҚ өкілі Қазақстан 2018 жылы жұмыс істей бастаған сәттен бастап Қытайдың халықаралық импорттық көрмесіне қатысатынын тілге тиек етті. Бес жыл ішінде Көрме алаңында 100-ден астам қазақстандық компания 260 млн-нан асатын сомаға экспорттық келісімшарттар жасасты.
Бұған дейін Бейжіңде өткен баспасөз мәслихатында ҚХР Коммерция министрінің орынбасары Шэн Цюпин хабарлағандай, биылғы жылы Қытайдың алтыншы халықаралық импорттық көрмесінде 70-ке жуық ел ұлттық экспозицияларды орналастырды. Оның 11-і көрмеге алғаш рет офлайн форматта қосылады. Қазіргі CIIE-нің құрметті қонақтары Қазақстан, Вьетнам, Сербия және басқа да мемлекеттер болады.
Қытайдың алтыншы халықаралық импорттық көрмесі 5-10 қараша аралығында Шанхайда өтеді. ЭКСПО-ға әлемнің 154 елінен келген делегация, сондай-ақ халықаралық ұйымдардың өкілдері қатысады.
Қазіргі уақытта 3,4 мыңнан астам компания көрмеге қатысу үшін тіркелді. Сондай-ақ аталмыш ауқымды іс-шараға 410 мыңға жуық кәсіби Сатып алушы келеді деп күтілуде.