Қазақстан «жасыл» энергияны Әзірбайжан арқылы экспорттайтын болады

Қазақстан «жасыл» энергияны Әзірбайжан арқылы экспорттайтын болады. Энергетика министрі Алмасадам Сатқалиев энергетика жобаларына үлкен көлемде инвестиция құйылатынын айтты. Қазақстан Әзірбайжанды транзиттік аумақ ретінде пайдалана отырып, Еуропаға «жасыл» газ экспорттау ниетін жариялады, - деп хабарлайды Arbat.media.

Бұл туралы елшілікте ұйымдастырылған Әзірбайжан-Қазақстан туристік форумында республиканың Әзірбайжандағы елшісі Алим Байель мәлімдеді.

Ол елдер арасындағы, әсіресе энергетика саласындағы тығыз сауда-экономикалық ынтымақтастықты еске салып, Транскаспий бағытының маңыздылығына тоқталды.

Бұған дейін Ташкент экономикалық форумы аясында Қазақстан, Әзірбайжан және Өзбекстанның энергетика министрліктері электр энергиясының жасыл көздерін дамыту және оны перспективалы нарықтарға тасымалдау туралы келісімге қол қойған болатын.

Еуропалық Одақ таза энергияны сатып алуға қызығушылық танытты.

«Қазір Әзірбайжан Қара теңіз түбімен кабель тарту жобасын зерделеуде», - деді жуырда ҚР Энергетика министрлігінің басшысы Алмасадам Сатқалиев.

Жобаға күтілетін инвестицияның үлкен көлемі де атап өтілді.