"Сауна, мейрамхана". Семейде мемқызметкерлер күдікке ілінді

Сауналар мен мейрамханалардың жанынан табылды. Семейдегі шенеуніктерге қызметтік көліктерді заңсыз пайдаланды деген күдік келтірілді, - деп хабарлайды Arbat.media.

Семейде мемлекеттік қызметкерлер қызметтік көлікті жеке мақсатына пайдаланды деген күдікке ілінді, деп хабарлайды Abainewskz.

Мемлекеттік қызмет істері агенттігінің Абай облысы бойынша департаментіне соңғы екі айда мемлекеттік органдарға тиесілі қызметтік көліктерді жұмыс уақытынан тыс уақытта жеке мақсатта пайдалануға қатысты 10-нан астам өтініш түскен.

«Келіп түскен өтініштерде Семей қаласы мен облыс аудандарында демалыс және мереке күндері қызметтік көліктерді пайдалану фактілері көрсетілген. Куәгерлер бұл жағдайларды видеоға түсіріп, көліктердің монша, сауна, кафе, мейрамхана және т.б. маңына қалай қойылғанын көрсетті», - деп атап өтті департаментте.

Ведомство полициядан және басқа да органдардан мемқызметкерлер туралы мәлімет сұрады.