Тасқын су Атырау маңындағы Сарыөзек каналын жырып кеткен

Жайық өзенінен құйылған тасқын су Атырау қаласының маңындағы Сарыөзек каналын жырып кеткен. Атырау қаласының әкімі Шәкір Кейкиннің айтуынша, Сарыөзек елді мекеніндегі шаруа қожалығының иелері де хабар берген, - деп хабарлайды Arbat.media.

Бұл туралы Kazinform агенттігі жазады.

«Сарыөзек каналы бойындағы бөгеттің үш метрдей аумағын су жырып кеткені анықталды. Соған байланысты қалалық әкімдігі мен «Арнаулы автобаза» ЖШС-дан 15 адам каналдың су жырған бөлігін қалпына келтіру жұмысын жүргізді. Бөгетті нығайту үшін құм толтырылған 1 тонналық 60 және 50 келілік 100 қапшық төселді. Бұл жұмыс 2 сағатта аяқталды. Осындай қауіптің алдын алу үшін арнайы топ тәулік бойына кезекшілік атқарады», - деп хабарлады Шәкір Кейкин.

Махамбет ауданының аумағынан бастау алатын каналдың ұзындығы – 60 шақырым. Су арансы Атырау қаласы және Еркінқала ауылдық округінің аумағымен өтеді.