Түркістанда 4 жасар баланы іздеуге дрон мен иісшіл иттер тартылды

Түркістан облысында 4-жасар Бақыт Айбар Алдиярұлын іздеп жатыр, - деп хабарлайды Arbat.media.

Бұл туралы Рolisia.kz жария етті. 

Бала 1 желтоқсан күні кешке ойнауға шығып, сол күйі із-түзсіз кеткен.

Полицейлер іздестіруді тәуліктеп жалғастыруда. Көмекке волонтерлер, төтенше жағдайлар қызметкерлері мен ұлттық ұлан сарбаздары тартылды және дрон құрылғысы мен иісшіл иттер жұмылдырылды.

Жеке басы мен түр-тұлғасы бойынша мәліметтер фото суретімен бірге таратылды.

Бақыт Айбар Алдиярұлы 2019 жылы туған.

Бойы 60-65 см, шашы қара-қоңыр түсті.

Үстінде сұр түсті торлы жейде, қоңыр түсті шалбар, аяғында резеңке аяқ киім (галош) болған.

Көрген-білген болса: 8-725-33-5-97-65, 8-725-33-97-40-94 немесе +77014596666, +77026376600, +77759962793, сондай-ақ 102 нөміріне хабарлассын.