Журналист
Пәкістанда Ресей елшісінің эскорт көлігін мина жарып жіберді. Жарылған көлік құрамында Ресей елшісі Альберт Хорев делегациямен бірге болған, деп таратты Ресей дипломатиялық миссиясы.
Камала Харрис Трамппен тағы теледебат өткізуге келісіп отыр. Демократиялық партиядан президенттікке үміткер CNN-нің 23 қазанда өтуі мүмкін пікірталасқа шақыруын қабылдады.
Ресей Сыртқы істер министрлігі Ресейдің «бейбітшілік саммитіне» қатысудан бас тартқанын қайталады. «Ресей өкілдері "бюргеншток процесінде" ешбір кездесуге қатысқан жоқ және қатысуға ниеті де жоқ», - деді Мария Захарова. Ол Украина президенті Владимир Зеленскийдің Ресей өкілдері қатыса алатын екінші «бейбітшілік саммитін» өткізу қажеттілігі туралы сөзіне осылай деп жауап берді.
Албания мұсылмандар үшін Ватиканға ұқсас микромемлекет құруға дайындалуда. Тиранадағы шағын мемлекет қалыпты бекташи мұсылман қауымына арналған болады, деп жазады NYT. Болашақ қала-мемлекет аумағында ішімдік ішуге рұқсат етіледі, ал әйелдерге орамал тағу міндеттелмейді және қалағанын киюге рұқсат етіледі деп болжануда.
Солтүстік Қазақстан облысы Ғ.Мүсірепов атындағы ауданда әйел гаражда босанып, баласын қалдырып кеткен. Қазір осы оқиға бойынша сотқа дейінгі тергеу басталды. 25 жастағы әйел жасырын босанып, қан кеткеннен кейін Ғ.Мүсірепов атындағы ауданның орталық ауруханасына көрінуге мәжбүр болған. Тексеру барысында оның гаражда бала туғаны мәлім болды.
Ресейдегі тұтынушыларды қадағалау органы коронавирустың жаңа XES штамының белгілері бұрынғыға ұқсас екенін айтты. Алғаш рет 2024 жылдың маусымында Германияда табылған COVID-19 — XEC жаңа нұсқасы FLiRT омикронының бұрынғы субварианттарымен — KS.1.1 және KP.3.3 ұқсастықтары бар, деп таратты Роспотребнадзордың баспасөз қызметі.
Республикалық маңыздағы «Доссор-Құлсары-Бейнеу-Сайөтес-Шетпе-Жетібай-Ақтау» автомобиль жолы желісінің Маңғыстау ауданына қарасты Жармыш, Бекі ауылдары, Сайөтес ауылы маңына, Маната асуына 300 дана күн сәулесінен қуат алатын батареялар орнату жұмыстары жүргізіліп жатыр. Бұл тәуліктің түнгі мезгілінде жол-көлік оқиғаларының алдын алуға ықпал етеді.
Шығыс Қазақстан облысында қазан айында «Шығыс салбұрыны» халықаралық бүркітшілер фестивалі өтеді. 10-14 қазан күндері Ұлан ауданы Бозанбай ауылының маңындағы «Бүркіт төбе» алаңында дәстүрлі «Шығыс салбұрыны» халықаралық бүркітшілер фестивалі өтеді. Фестивальге республиканың әр түкпірінен және шет елдерден, атап айтқанда Моңғолиядан, Венгриядан, Ресейден, Испаниядан, Қытайдан 130-дан астам адам қатысады. Негізгі іс-шаралар 11-12 қазанға жоспарланған. Келетін қонақтардың жалпы саны – 4000-5000 аралығында.
Әлемде Альцгеймер ауруын қоса алғанда деменция туралы хабардар болу күні атап өтіліп жүр. Денсаулық сақтау министрлігі деменция туралы хабардар болуды арттыру, стигманы жою және осы жай-күйден зардап шегетін адамдарға, сондай-ақ олардың отбасыларына қолдау көрсету қажеттілігіне назар аударады. Әлемде деменциямен ауыратын 55 миллионнан астам адам бар, жыл сайын 10 миллионға жуық жаңа жағдай тіркеледі. Деменция — бұл нерв жасушаларын біртіндеп бұзатын және миды зақымдайтын бірқатар аурулардан туындауы мүмкін синдром.