Журналист
outube желісі әнші Шаманның арнасын жауып тастады. Бұл туралы ресейлік соғыс кезеңінің басты символы саналатын суретшінің өзі мәлімдеді. «YouTube, мен орыс болғандықтан каналымды бұғаттады», - деп жазды ол.
Fix Price Group PLC компаниясы Кипрден «Астана» халықаралық қаржы орталығына қайта тіркелді. Редомициляция, дәлірек айтқанда, көшу процесі – компанияның бүкіл бизнес-құрылымымен, компанияның қолданыстағы шарттарымен және міндеттемелерімен заңды тұлға мәртебесін сақтай отырып, юрисдикциясын өзгертуін білдіреді.
Венгрия премьер-министрі Мәскеуге барады. Виктор Орбан мен Ресей президенті Владимир Путиннің кездесуі 5 шілдеде өтеді деп күтілуде, деп жазады «Азаттық» радиосының венгр редакциясы. Орбанды Украинадағы ауқымды соғыс басталғаннан бері Ресейге бес реттен астам сапармен келген Венгрия Сыртқы істер министрі Петер Сийярто ертіп келеді.
Тәуелсіздік сарайында Қазақстан төрағалығымен Шанхай ынтымақтастық ұйымының саммиті өтті. Kazinform айтулы шарада айтылған мемлекет басшылары мен саммитке қатысқан басқа да мәртебелі меймандардың салиқалы пікірлеріне шолу жасады. Іс-шараға Қазақстан, Иран, Қытай, Қырғызстан, Пәкістан, Ресей, Тәжікстан, Өзбекстан, Беларусь, Моңғолия, Әзербайжан, Қатар, Түркия және Түрікменстанның Мемлекет пен Үкімет басшылары, БАӘ-ден Рас әл-Хайма әмірлігінің әмірі, Үндістанның Сыртқы істер министрі, сондай-ақ ШЫҰ Бас хатшысы және ШЫҰ Өңірлік терроризмге қарсы құрылымының Атқарушы директоры қатысты.
Чехия енді биометриялық деректері жоқ ресейлік төлқұжаттарды мойындамайды. «Егер Ресей азаматы Чехияда биометриялық емес төлқұжаты бар болса, онда ол мұнда заңсыз жүр және біз онымен не істеу керектігін шешіп жатырмыз. Биометриялық емес төлқұжаттарды өзгерту және бұрмалау әлдеқайда оңай», - деді 4 шілдеде Чехия Сыртқы істер министрлігінің баспасөз хатшысы Мариана Вернерова.
Ұлттық тестілеу орталығы магистратураға түсуші талапкерлерге хабарландыру жариялады. Орталықтың мәліметінше, магистратураға түсуге арналған кешенді тестілеуге өтініш беру 8 шілде сағат 23:59-да аяқталады. Кешенді тестілеудің өзі 20 шілде мен 10 тамыз аралығында өтеді.
Тарихта тұңғыш рет қазақ әйелі Замира Сонгобай Моңғолия парламентінің депутаты болып сайланды.
Қызылордада бокстан 2020 жылғы Олимпиада ойындарының қола жүлдегері Қамшыбек Қоңқабаевқа екі бөлмелі пәтер берілді. Қызылордалық спортшы былтыр Қытайдың Ханчжоу қаласында өткен ХІХ Жазғы Азия ойындарында күміс жүлде алып, Париж Олимпиадасына жолдама жеңіп алған еді. Аймақ басшысы боксшының дайындық барысы туралы сұрап, алдағы дүбірлі додадан жеңіспен оралуына тілектестік білдірді.
Бас прокуратура және Ішкі істер министрлігінің Интерпол қызметкерлері Қазақстан Республикасының Армениядағы Елшілігінің көмегімен қаржы пирамидасын басқарған Қазақстан азаматын қылмыстық жауапқа тарту үшін елге экстрадициялады.