Журналист
Украина 2029 жылға қарай ЕО-ның мүшесі болуы мүмкін. Еурокомиссия алғаш рет Украина мен Молдованың ЕО-ға қосылуы мүмкін болатын нақты күнді атады.
Елімізде балалар денсаулығына қатысты елде үлкен проблема бар. Ташкенттегі клиникаларға емделуге келетін бүлдіршіндердің 90% Қазақстаннан. Көрші елдің дәрігерлері осындай деректі жария етті. Елімізде аутизмге шалдыққандар саны соңғы бес жылда бес есе өскен. Осы нөпір көрші елге ағылатын болса керек. Мұның себебі неде? Бұл туралы Jibek Joly арнасының жаңалықтарында айтылды.
Грузия президенті прокуратураға барудан бас тартты. «Мен прокуратураға өз ісімен айналысуға және президентпен саяси есеп айырысудан аулақ болуға кеңес берер едім», - деді Саломе Зурабишвили брифингте. Бұған дейін Зурабишвили елдегі парламенттік сайлауды бұрмалау туралы мәлімдемесінен кейін сұхбатқа шақырылған болатын.
Халықаралық псориаз қауымдастықтары Федерациясының (IFPA) бастамасымен 29 қазанда Дүниежүзілік псориаз күні атап өтіледі. Ол псориазбен ауыратын пациенттерді қолдауға және бұл ауру туралы халықты хабардар етуге бағытталған. Бүгінде елімізде өңірлік дерматовенерологиялық қызметтердің мәліметтеріне сәйкес «псориаз» диагнозы қойылған 6925 науқас ресми тіркелген. Олардың шамамен 30%-ы аурудың орташа және орташа ауыр түрлерімен ауырады. Дерматологтардың айтуынша, псориаз кез-келген жаста, соның ішінде балаларда да болуы мүмкін. Онымен әйелдер де, ерлер де бірдей ауырады. Аурудың себептерінің бірі - генетикалық бейімділік. Псориазды толығымен емдеу мүмкін емес, бірақ уақтылы және дұрыс таңдалған терапия оны бақылауға алып, тұрақты ремиссияға қол жеткізуге мүмкіндік береді.
Шварцнеггер Харристі қолдады. Республикалық партиядан сайланған актер және Калифорнияның бұрынғы губернаторы АҚШ президенттігіне кандидат Камала Харриске дауыс беруге шақырды.Шварцнеггер бүгін екі ірі америкалық партияға да көңілі толмайтынын, бірақ қазіргі жағдайда Харрис пен Тим Уолзға дауыс беретінін мойындады.
Қаржылық мониторинг агенттігі Ұлытау облысы Табиғи ресурстар басқармасы басшысының өкілетті қызметін тексеру барысында заңсыздыққа жол бергенін анықтады. Тергеу барысында «Жезді өзенін санациялау» жұмыстары тиісті деңгейде жүргізілмегені белгілі болды. Облыстың табиғи ресурстар басқармасының басшысы іс жүзінде жасалмаған жұмыстардың актілеріне қол қойған. Құрылыс объектісін тексермей-ақ техникалық және авторлық қадағалаушылар да орындалған жұмыстардың актілеріне қол қойып берген.
ЕО азаматтарға үш күн ішінде қажет заттарды сатып алуды ұсынды. Еурокомиссияның азаматтық және әскери жеткізілімдерді күшейту туралы есебіне сәйкес кибершабуыл мен диверсия сияқты дағдарысты жағдайларда 72 сағаттық жабдықтау қажет. Құжат авторлары Еуроодақ елдері Ресейдің гибридті шабуылдарына жеткілікті түрде дайын емес деген қорытындыға келді және басқалармен қатар, химиялық, биологиялық немесе ядролық инциденттер жағдайында нұсқаулықтарды әзірлеуді ұсынады.
Бұл мәселе соңғы 20 жылда дамушы елдердің экономикалық эволюциясы туралы пікірталастың ең танымал тақырыбына айналды. Табысың аштан өлтірмейді, бірақ одан әрі жағдайыңды көтеруге мұршаң жоқ. Орта табыс тұзағына шырмалып жүрген экономикалық белсенді азамат зейнетке шыққанда табысы ортадан төмен кедей топтың қатарын толықтырады. «Орта табыс тұзағынан» шығу қажеттілігі №1 стратегиялық міндет ретінде қарастырылған. 2029 жылға дейінгі Ұлттық даму жоспарының өзегі де осы бағыт.
"Фольксваген" өндірісі қаншалықты нашар? Жақында еуропалық ірі автоөндіруші кәсіподақтар жалақыны көтеруді талап етсе, Германиядағы үш зауытты жабамыз деп қорқытты.Енді концерн өзінің соңғы қаржылық есебін жариялады. Қысқасы: үшінші тоқсанда таза пайда 64%-ға құлдырады, бірақ әлі де көп миллиард доллар болып қалды, яғни ешқандай шығын туралы сөз жоқ.