АҚШ пен Ұлыбритания Ресейден металл импорттауға эмбарго енгізді

АҚШ пен Ұлыбритания Ресейден металл импорттауға эмбарго енгізді. Ресейден шыққан алюминий, мыс және никельге тыйым салынды. Екі ел билігінің мәлімдемесіне сәйкес, Чикаго мен Лондондағы биржаларда бұл металдармен сауда жасауға тыйым салынады, - деп хабарлайды Arbat.media.

АҚШ қазынашылығы шектеулер тыйым күшіне енгенге дейін өндірілген металдарға қолданылмайтынын түсіндірді.

Ресейлік металдардың импорты Ресей Федерациясы мен Еуропалық Одақ арасындағы тауар айналымының негізгі баптарының бірі болып қала береді, бұл өнім түріне әлі санкция салуға асығар емес.

2023 жылдың соңындағы мәліметтерге сәйкес, Украинадағы соғыс басталғалы бері Ресейден ЕО-ға 13,7 миллиард еуроға металл импортталған.

Ресейде дүние жүзіндегі никельдің шамамен 6%, алюминийдің 5% және мыстың 4% өндіріледі.

Лондон металл биржасының (LME) қоймаларында 2024 жылдың наурыз айының соңындағы жағдай бойынша ресейлік алюминий қордың 96%, никель - 62%, мыс - 36% құрады, деп хабарлайды Bloomberg.

Британдық есептеулер бойынша, Ресей Федерациясының металл экспортынан түсетін кірісі соғыс басталғаннан бері 25 доллардан 15 миллиард долларға дейін азайған.

Қабылданған шаралар осы соманы азайтуға арналған.