Украина Ресейге қарсы: Гаагада жаңа тыңдаулар басталды

Украина Ресейге қарсы: Гаагада жаңа тыңдаулар басталды.  Қырым көпірін бұзып, Ресей Федерациясының Қара және Азов теңіздеріндегі басқа да заңсыз әрекеттерін тоқтату - мұндай талаптарды Украина Ресейге теңіз құқығы саласындағы талап арызы бойынша ашылған тыңдауларда алға тартты. Істі Халықаралық арбитраждың тұрақты соты қарайды, - деп хабарлайды Arbat.media.

Украина СІМ-нің Ерекше тапсырмалар жөніндегі елшісі Антон Кориневич Ресей Федерациясы «КСРО және одан бұрын Ресей империясы заманына оралуға тырысып, халықаралық құқықты менсінбейді» деп атап өтті.

«Бір ел теңіз конвенциясында белгіленген құқықтық режимнен үлкен су айдынын, тұтас бір теңізді алып тастай алады ма, бұл сұраққа жауап тек теріс болуы мүмкін», - деді ол.

Ресей Украинаның талаптарын "негізсіз және үмітсіз" деп мәлімдеді.

Мәскеудің пікірінше, Азов теңізі мен Керчь бұғазы Теңіз конвенциясында қамтылмаған Ресей Федерациясының «ішкі сулары» болып табылады.

Бұл іс бойынша соттың қашан шешім шығаратыны әзірге белгісіз, әдетте мұндай процестер айларға, тіпті жылдарға созылады.