«Үшінші пікірталас болмайды!»Трамп Харриспен теледебаттан бас тартты

«Ешқандай үшінші пікірталас болмайды!» - Трамп Харриспен теледебаттан бас тартты. Бұл туралы АҚШ президенттігіне Республикалық партиядан үміткер өзінің Truth Social әлеуметтік желісінде жазба жазды. Трамп Харристі «жекпе-жекте жеңілген боксшымен» салыстырды және «реванш қалайды» деп болжайды. «Сауалнамалар менің радикалды солшыл Демократиялық партияның кандидаты Камала Харриске қарсы пікірсайыста жеңгенімді анық көрсетті», - деді Трамп, - деп хабарлайды Arbat.media.

Трамптың постынан кейін көп ұзамай митингіде сөйлеген Харрис: «Менің ойымша, біз сайлаушылар алдында тағы бір пікірталас өткізуге міндеттіміз» деді.

Трамп пен Харрис арасындағы теледебат 10 қыркүйекте ABC арнасында өтті.

Оны 67 миллионнан астам адам тамашалады.

Дебаттан кейінгі сауалнамалар Харристің аз ғана жеңіске жеткенін көрсетті.

1 қазандағы пікірталаста вице-президенттікке үміткерлер демократ Тимоти Уолз бен республикашыл Джеймс Дэвид Вэнс кездеседі.