Алматыда тұрғын үйді басқару тарифі өзгереді
Алматыда тұрғын үйді күтіп-ұстауға арналған ең төменгі тарифті бекіту жоспарда. «2025 жылға арналған кондоминиум объектісін басқаруға және кондоминиум объектісінің ортақ мүлкін ұстауға жұмсалатын шығыстардың ең төменгі мөлшерін бекіту туралы» мәслихаттың шешімі әзірленді. Алматыда тұрғын үйді басқару және күтіп-ұстау бойынша шығыстардың ең төменгі мөлшері 1 шаршы метрге 40 теңге мөлшерінде бекітілсін», — делінген құжатта, - деп хабарлайды Arbat.media.
Тұрғын үйді басқару және күтіп-ұстау шығыстарына міндетті жалақы жарналары, банктік қызметтер, дератизация және дезинфекциялау жұмыстары және ортақ мүлікке қызмет көрсету кіреді, - деп жазады Kazinform агенттігі.
«Бұрын ең төменгі тариф 1 шаршы метр үшін 25 теңге болды. Соңғы 14 жылда жылына орта есеппен 7 пайыз инфляцияны ескере отырып, жұмыс тобы тарифті қайта есептеді. 2023 жылдан бастап аулаларды күтіп ұстау жергілікті бюджеттен қаржыландырылатынын, ал күрделі жөндеу жұмыстары жеке жинақ шотынан жүргізілетінін ескеру қажет», — делінген негіздемеде.
Алматыда шамамен 9 мың көпқабатты тұрғын үй бар, олардың 5500-ден астамында тұрғын үйді күтіп-ұстауға арналған тариф 1 м² үшін 40 теңгеден төмен.
Жаңа тарифті бекіту Алматының тұрғын үй қорын басқару және күтіп-ұстау сапасын жақсартуға және қала тұрғындары үшін қолайлы жағдай жасауға маңызды қадам болмақ.
Құжат 5 желтоқсанға дейін қоғамдық талқылау үшін «Ашық НҚА» сайтында орналастырылды.
Осыған дейін Алматы қаласының ПИК қауымдастығы көппәтерлі тұрғын үйлерді басқару және күтіп ұстаудың минималды тарифін қайта қарауды ұсынған болатын.
