Атырауда алтыншы сынып оқушысы буллингке ұшырап, мектепке пышақ алып келген
Атыраудағы №14 мектепте алтыншы сынып оқушылары арасында жанжал шығып, олардың бірінен пышақ табылды, деп хабарлайды Arbat.Media
Оқиға 21 қазанда болған. Алдын ала ақпаратқа сәйкес, оқушы мектепке пышақ әкеліп, өзін ренжіткен сыныптастарына қоқан-лоқы көрсеткен.
Басылымның жазуынша, бала қатарластары тарапынан буллингке ұшыраған болуы мүмкін. Дегенмен бұл жайттың нақты мән-жайы әзірге белгісіз.
Пышақты көрген оқушылар мұғалімге хабарлаған. Педагог полиция қызметкерлері мен жанжалға қатысқан балалардың ата-аналарын шақырған. Алдын ала мәлімет бойынша, оқушылармен және олардың ата-аналарымен профилактикалық әңгіме жүргізілген.
Атырау облыстық полиция департаменті оқушылар арасында жанжал болғанын және бірінен пышақ табылғанын растады. Сонымен бірге ведомство мектепте пышақтасу болды деген ақпаратты жоққа шығарды.
