БЖЗҚ-дағы барлық жинақты басқарушы компанияға беруге болады

  Қыркүйек айынан бастап қазақстандықтар өздерінің зейнетақы жинақтарының 100 пайызына дейін жеке басқарушы компанияларға сеніп тапсыра алады,деп хабарлайды Arbat.Media.

Бұған дейін тек қаражаттың жартысын ғана беруге рұқсат етілген еді, дегенмен Еңбек және халықты әлеуметтік қорғау министрлігі енді түгелдей беруге болатынын мәлімдеді. Министрлік мәліметінше, Әлеуметтік кодекс нормаларына сәйкес мемлекет азаматтардың зейнетақы жинақтарының сақталуына толық кепілдік береді.

Әлеуметтік кодекстің 217-бабында мемлекет Бірыңғай жинақтаушы зейнетақы қорындағы міндетті зейнетақы жарналары мен міндетті кәсіптік зейнетақы жарналарының нақты енгізілген қаражаты көлемінде сақталуына кепілдік беретіні нақты бекітілген.

Бұл норма заңмен қорғалған күйінде сақталады. 2027 жылдан инфляция айырмасын біржолғы төлем ретінде қарастыратын бюджеттік бағдарлама болады. Қыркүйектен зейнетақы жинақтарын басқаруды өзгертетін жаңа заң күшіне енеді.