Денсаулық сақтау министрлігі Қазақстанға маймыл шешегінің кіру қаупін жоққа шығармады

Денсаулық сақтау министрлігі Қазақстанға маймыл шешегінің (Mpox) кіру қаупін жоққа шығармады, алайда аурудың халық арасында кең таралу тәуекелін төмен деп бағалады, деп хабарлайды Arbat.Media.

«Әлемнің жекелеген елдерінде ауру жағдайларының тіркелуіне және белсенді халықаралық көлік байланыстарына байланысты инфекцияның Қазақстан аумағына кіру ықтималдығы жоққа шығарылмайды», – делінген министрлік хабарламасында.

Қазіргі уақытта инфекцияның таралуын болдырмау мақсатында мемлекеттік шекарадағы өткізу бекеттерінде санитарлық-карантиндік бақылау күшейтілді. Барлық бекеттер дене температурасын байланыссыз өлшеу құралдарымен жабдықталған.