Елімізде салынатын ойын аймақтарына тек шетелдік туристер кіре алады

Елімізде салынатын ойын аймақтарына тек шетелдік туристер кіре алады, деп хабарлайды Arbat.Media.

Қазақстандықтарға бұл ойын залдарына кіруге тыйым салынады. Бұл мақсатта Маңғыстау, Жетісу және Алматы облыстары қарастырылып отыр.

Туризм министрлігі бұл өңірлерде өткізген зерттеудің нәтижесін жариялады.

Мәселен, Маңғыстау тұрғындарының 46%-ы, Жетісу – 67%-ы, Алматы облысында 54,5%-ы шетелдіктерге арналған казино салу бастамасын қолдаған.

Зерттеуге сәйкес ойын аймақтарынан жылына 10 млрд теңгеге жуық салық түседі деп болжанып отыр.