Павлодардағы жылу-электр орталығында бір жұмысшы көз жұмды

Қаладағы № 2 Жылу электр орталығында жұмысшы қаза тапты, деп хабарлайды Arbat.Media.

Ол мердігер компанияда дәнекерлеуші болып жұмыс істеген.

Қазір оқиғаның себебін Мемлекеттік еңбек инспекциясы комитетінің Павлодар облысы бойынша департаменті тексеріп жатыр.

«Оқиға ЖЭО-2 АО «Павлодарэнерго» алаңынан шығарындыларды тазалау кезінде болды. Қызмет көрсеткен компанияның жұмысшысы ауыр жарақат алып, оқиға орнында қайтыс болды. Тексеру басталды, жағдай анықталып жатыр», деп мәлімдеді мемлекеттік еңбек инспекциясы комитеті.