Бокстан жастар арасындағы ӘЧ: Тағы 2 қазақстандық «алтын» алды
Черногорияның Будва қаласында өтіп жатқан бокстан жастар арасындағы 2024 жылғы әлем чемпионатында тағы екі қазақстандық боксшы алтын медаль алды, - деп хабарлайды Arbat.media.
Алдымен ел құрамасынан Санжарәлі Бегалиев (75 келі) өзбекстандық Джафарбек Шахбазовпен қолғап түйістірді. Жекпе-жек барысында қарсыласын айқын басымдықпен тізе бүктірді, - деп жазады Kazinform агенттігі.
Ал Аружан Зейноллаева (81 келі) тағы бір өзбекстандық Рухшона Парпиевамен шаршы алаңға шығып, төрешілердің бірауыздан шешімімен жеңіске жетті.
Айта кетсек, бұған дейін ел құрамасынан Төрехан Сабырхан жастар арасында әлем чемпионы атанған еді. Ол кубалық Дэвид Мануэль Эспиноса Сантояны жеңді.Еске салсақ, Қазақстанның 7 боксшысы жастар арасындағы әлем чемпионатының финалына шықты.
