Жібек Құламбаева Прага турнирінің финалына шықты

Чехияда  қазақстандық Жібек Құламбаева жұптық сында топырақ төсенішінде өтіп жатқан ITF турнирінің финалына шықты, - деп хабарлайды Arbat.media.

Ол польшалық Мартина Кубкамен бірге ширек финалда тартысты матчта румыниялық Кристина-Андреа Миту – украиналық Валерия Страхованы 4:6, 7:5, 10:8 есебімен жеңді.

Қазақ-поляк жұбы жартылай финалда бір сағатқа жуық бәсекеде жарыстың 4-ракеткалары, румыниялық Ирина Барэ – грузиялық Екатерина Горгодзені 6:2, 6:1 есебімен жеңді.

Ж.Құламбаева – М.Кубка финалда доданың бірінші ракеткалары, италиялықтар Ангелика Морателли – Камилла Розателломен бас жүлдеге  таласады.

23 жастағы Жібек Құламбаева белоруссиялық Юлия Готовкомен бірге Римде осындай жарыста жеңімпаз атанған еді.